• Хөкүмәт
  • Хөкүмәт Аппараты
  • Ултырыштар
  • Документтар
  • Матбуғат хеҙмәте
  • Яңылыҡтар

      RSS
    Башҡортостандың Ковидҡа ҡаршы ситуациялар үҙәгенең эш тәжрибәһе федераль кимәлдә өйрәнеләсәк 19.12.20 18:15

    Башҡортостандың Ковидҡа ҡаршы ситуациялар үҙәгенең эш тәжрибәһе федераль кимәлдә өйрәнеләсәк

    Башҡортостандың Ковидҡа ҡаршы ситуациялар үҙәгенең эш тәжрибәһе федераль кимәлдә өйрәнеләсәк. Был хаҡта Федерация Советының Социаль сәйәсәт буйынса комитеты рәйесенең беренсе урынбаҫары Валерий Рязанский белдерҙе. Улар үҙәк эшмәкәрлеге менән республика Башлығы Радий Хәбиров һәм Рәсәйҙең һаулыҡ һаҡлау министры урынбаҫары Евгений Камкин менән берлектә танышты.

    Хәтерегеҙгә төшөрәбеҙ, Ситуация үҙәге 16 ноябрҙә "Торатау" конгресс-холында эшләй башланы. Операторҙар шылтыратыуҙарҙы көн һайын 8:00 сәғәттән 20:00 сәғәткә тиклем (347) 218-19-19 телефоны буйынса ҡабул итә. Граждандар коронавирустан өйҙә һәм поликлиникаларҙа дауаланыуҙы ойоштороу буйынса дистанцион консультациялар ала, коронавирусҡа тест һөҙөмтәләрен, бушлай дарыуҙар алыу тәртибен аныҡлай, башҡа һорауҙар бирә ала. Көн һайын, шул иҫәптән ял көндәрендә, 15:00 сәғәттән 17:00-гә тиклем шылтыратыусылар COVID-госпиталдә булған яҡындарының һәм туғандарының хәл-торошо тураһында белә ала.

    16 ноябрҙән 19 декабргә тиклем үҙәк белгестәре халыҡтың 20 меңдән ашыу мөрәжәғәтен ҡабул иткән. Үҙәктең координаторы, республика Дәүләт Йыйылышы - Ҡоролтайҙың Һаулыҡ һаҡлау, социаль сәйәсәт һәм ветерандар эштәре буйынса комитеты рәйесе урынбаҫары Римма Үтәшева һүҙҙәренсә, күп мәсьәләләр һаулыҡ һаҡлау учреждениеларына мөрәжәғәт итмәйенсә йәлеп ителгән медицина эксперттарының көсө менән генә хәл ителә. Был беренсел медицина звеноһы эшен кәметә. Консультацияларҙың сифатын тикшереү өсөн сенатор Валерий Рязанский бер нисә секунд эсендә Ситуация үҙәге белгестәре менән аралашты.

    - Стәрлетамаҡтағы яңы инфекция үҙәген асҡандан һуң һеҙҙең үҙәккә барырға, ирекмәндәрҙең, операторҙарҙың нисек эшләүен ҡарарға булдыҡ, - тине Рәсәйҙең һаулыҡ һаҡлау министры урынбаҫары Евгений Камкин. - Система һөҙөмтәле эшләүенә инандыҡ. Һеҙҙең хеҙмәтегеҙ халыҡ ваҡытында кәрәкле мәғлүмәт алһын өсөн бик мөһим. Һеҙгә был еңел булмаған хеҙмәтегеҙҙә артабан да уңыштар теләйем!

    Радий Хәбиров үҙәк белгестәренә һөҙөмтәле, бик кәрәкле эш өсөн рәхмәт белдерҙе һәм яҡынлашып килгән Яңы йыл менән ҡотланы.


    28 29 30 31 1 2 3
    4 5 6 7 8 9 10
    11 12 13 14 15 16 17
    18 19 20 21 22 23 24
    25 26 27 28 29 30 31


    Ссылки

    Платформа обратной связи - пилотный проект

    Данная форма предоставляет возможность направить электронное сообщение в рамках реализации пилотного проекта по внедрению «Единого окна цифровой обратной связи.

    *Не предназначена для приема обращений граждан в соответствии с Федеральным законом от 2 мая 2006  года № 59-ФЗ «О порядке рассмотрения обращений граждан Российской Федерации».