Яңылыҡтар

28.11.20 10:09

Башҡортостан 2021 йылда “Йәш профессионалдар” (WorldSkills Russia) милли чемпионаты финалын ҡабул итергә әҙерләнә.

28 ноябрҙә Башҡортостан Башлығы Радий Хәбиров Өфө районында күп функциялы индустрия комплексын төҙөү майҙансыҡтарҙың береһен ҡараны. Ул “Йәш профессионалдар” (WorldSkills Russia) милли чемпионаты финалы үтәсәк урындың береһе. Республика был ҙур сараны 2021 йылда ҡабул итә.

Биләмә “Зубов” индустрия паркында урынлашҡан. Бында бөгөндән кәрәкле селтәрҙәр һәм инженер коммуникациялары бар.

– Беҙ 20 мең квадрат метрлыҡ ҙур павильон төҙөргә тейешбеҙ, был майҙансыҡ – төҙөлөштө күҙаллаған урындарҙың береһе, – тине Радий Хәбиров. – WorldSkills Russia чемпионатына әүҙем рәүештә әҙерләнәбеҙ. Тик беҙҙең идея шундай: финалдан һуң был етештереү ҡеүәттәре һәм биналар берәй завод йәки предприятие өсөн майҙансыҡ булараҡ эшләй башларға тейеш. Шуға күрә бөтә йәһәттән дә уңайлы варианттар эҙләйбеҙ.


Белешмә:
“Йәш профессионалдар” WorldSkills Russia милли чемпионатының финалы – WorldSkills стандарттары буйынса һөнәри оҫталығын күрһәткән 16-20 йәшлек студенттар, шулай уҡ 10-17 йәшлек мәктәп уҡыусылары араһында үтә һәм ил мәғарифы системаһына иң яҡшы халыҡ-ара практикаларҙы ғәмәлгә индерергә булышлыҡ иткән ҙур күләмле ярыш булып тора.

Рәсәй WorldSkills халыҡ-ара хәрәкәтенә 2012 йылда ҡушыла. I Милли чемпионат финалы 2013 йылда Тольятти ҡалаһында үтте. Ә Башҡортостанда I “Йәш професионалдар” төбәк чемпионаты 2016 йылда ойошторола.

Быйыл 21 сентябрҙә Мәскәүҙә VIII “Йәш профессионалдар” милли чемпионатын ябыу тантанаһында ярыш флагы Башҡортостан Башлығы Радий Хәбировҡа тапшырылды. Чемпионат беҙҙә 2021 йылда үтәсәк.