Яңылыҡтар

03.04.20 11:31

Республиканың бөтә эш биреүселәрен оператив рәүештә үҙ хеҙмәткәрҙәре тураһында мәғлүмәт бирергә саҡыралар

Республиканың бөтә эш биреүселәре үҙҙәренең хеҙмәткәрҙәре тураһында мәғлүмәт бирергә тейеш. Был хаҡта Башҡортостан Хөкүмәте рәйесе урынбаҫары – ғаилә, хеҙмәт һәм халыҡты социаль яҡлау министры Ленара Иванова Радий Хәбиров рәйеслегендә үткән оператив кәңәшмәлә белдерҙе.

Уның һүҙҙәренсә, Рәсәйҙең хеҙмәт министрлығы ил предприятиеларына көрсөк шарттарында ярҙам күрһәтеү саралары әҙерләй. Федераль ведомство тәү сиратта «Работа в России» порталында теркәлгән мәғлүмәттәргә таянасаҡ.

Заявка тултырыу бер-нисә минут ваҡытты ала. Рәсәй хеҙмәт министрлығын эшселәрҙең һаны, был һандың ниндәй яҡҡа үҙгәреүе, мәжғүллек режимы һәм дистанцион эш шарттары  тураһындағы мәғлүмәттәр ҡыҙыҡһындыра.

Радий Хәбиров муниципаль берәмектәрҙе ошо эшкә әүҙем ҡушылырға һәм мәғлүмәтте тиҙ арала эш биреүселәргә еткерергә ҡушты.