Яңылыҡтар

Радий Хәбиров «Һөт иле – 2019» фестиваленә барҙы

24 августа Башҡортостан Башлығы вазифаһын ваҡытлыса башҡарыусы Радий Хәбиров Салауат Юлаев майҙаны һәм «Торатау» конгресс-холы янында йыл һайын ойошторолоп килгән «Һөт иле» ғаилә фестивалендә ҡатнашты.

Республика етәксеһе ҡала халҡы менән аралашты, фестивалдең күңел асыу майҙансыҡтарын һәм күргәҙмә ҡараны, эре ауыл хужалығы предприятиелары тәҡдим иткән һөт продукцияһы менән танышты. Сараға 20-нән ашыу предприятие, кооператив һәм фермер хужалыҡтары килгәйне. Улар һөт продукцияһының киң ассортиментын тәҡдим итә. Быйыл «Һөт иле» фестивалендә беренсе тапҡыр «Ҡымыҙ бары» ла эшләне.
Республика етәксеһе һөт продукцияларын тәмләп ҡараны. Етештереүселәр менән аралашты, тауарҙарҙы һатыу баҙарын киңәйтеү маҡсатында федераль сауҙа селтәрҙәре менән хеҙмәттәшлекте нығытыу мәсьәләләре буйынса фекер алышты.

Белешмә:
«Һөт иле» Бөтә Рәсәй фестивале Өфөлә 2011 йылдан алып үткәрелә. Ойошитороусылары – Башҡортостан Республикаһы Хөкүмәте, Башҡортостандың ауыл хужалығы министрлығы, Өфө ҡалаһы хакимиәте, Һөт етештереүселәр союзы һәм Башҡортостандың сауҙа-сәнәғәт палатаһы.