Яңылыҡтар

Александр Сидякин Инвестиция һәм эшҡыуарлыҡ мөхитен яҡшыртыу буйынса проект офисының сираттағы ултырышын үткәрҙе

24 ғинуарҙа  Башҡортостан Хөкүмәтендә  Башҡортостан Башлығы Хакимиәте Етәксеһе Александр Сидякин етәкселегендә Инвестиция һәм эшҡыуарлыҡ  мөхитен яҡшыртыу буйынса проект офисының сираттағы ултырышы үтте.
Милли рейтингта Рәсәй төбәктәренең инвестицион мөхите күрһәткестәре тураһында Башҡортостандың ер һәм милек мөнәсәбәттәре министры вазифаһын башҡарыусы Олег Полстовалов бәйән итте. Министрлыҡ алдына хеҙмәттәр күрһәтеү сифатын яҡшыртыу һәм тиҙ арала республиканың инвестиция картаһында эшҡыуарҙарға ҡуртымға бирерлек бина һәм ер участкалары тураһында тулы  мәғлүәмәт менән  өҫтәмә опциялар булдырыу бурысы ҡуйылған.
Эшҡыуарлыҡ һәм туризм буйынса дәүләт комитеты рәйесе урынбаҫары Вадим Үтәшев төбәктә бизнес-инкубаторҙар эшмәкәрлеген үҫтереү тәҡдимен индерҙе. Октябрьский, Салауат һәм Сибай ҡалаларында асылған бизнес-инкубаторҙар эшен йәнләндереү тураһында һүҙ барҙы.  Бөгөн эшҡыуар-резиденттар өсөн эшмәкәрлек төрҙәре киңәйтелгән, шулай уҡ элек ошо майҙансыҡта эшләү мөҙҙәте өс йыл тип билдәләнһә, хәҙер сикләүҙәр алынған.  2018 йыл һөҙөмтәләре буйынса, бизнес-инкубатор булған биләмәләрҙә 291 эш урыны иҫәпләнә. Резиденттар һанын арттырыу маҡсатында уҡытыу-аңлатыу сараларын киңерәк йәйелдерергә, яңы хеҙмәт урындары булдырыусыларҙы ҡеүәтләү йәһәтенән комплекслы саралар күрергә, шулай уҡ Рәсәй Федерацияһы субъекттарындағы уңышлы тәжрибәләрҙе өйрәнергә тигән тәҡдимдәр яңғыраны.