• Хөкүмәт
  • Хөкүмәт Аппараты
  • Ултырыштар
  • Документтар
  • Матбуғат хеҙмәте
  • Яңылыҡтар

      RSS

    Радий Хәбиров CIOFF президенты Филипп Боссан менән осрашты

    22 ғинуарҙа Республика Йортонда Башҡортостан Башлығы вазифаһын ваҡытлыса башҡарыусы Радий Хәбиров Фольклор һәм традицион сәнғәт фестивалдәрен ойоштороу буйынса халыҡ-ара советы (CIOFF)  президенты Филипп Боссан менән осрашты. Унда шулай уҡ CIOFF–тың  Рәсәй милли секцияһы президенты, Рәсәй дәүләт халыҡ ижады йорто директоры Тамара Пуртова һәм Башҡортостан Хөкүмәте ағзалары ҡатнашты.
    Яҡтар 2020 йылда Башҡортостанда үтәсәк Бөтә донъя фольклориадаһына  әҙерлек тураһында фекер алышты.
    Фольклор һәм традицион сәнғәт фестивалдәрен ойоштороу буйынса халыҡ-ара советтың сираттағы Фольклориаданы тап Башҡортостанда үткәреү тураһындағы ҡарары  – беҙҙең өсөн оло мәртәбә. Беҙҙең республиканың халыҡ-ара әһәмиәттәге эре һәм етди саралар үткәреү тәжрибәһе бар, был юлы ла һынатмаҫбыҙ, – тине Радий Хәбиров. – Фольклориадаға әҙерлек эшен башланыҡ.Төп майҙандар ҡайҙа буласағы хаҡында аңлау бар. Дөйөм алғанда, республика буйынса 10 майҙан ойоштороласаҡ. Бөтә әҙерлек планға ярашлы алып барыла. Ышанысығыҙҙы аҡлаясаҡбыҙ.
    Төбәк етәксеһе Рәсәй Президенты Владимир Путиндың 2020 йылды  – Халыҡ ижады йылы, тип иғлан ителеү тураһындағы ҡарарын да иҫкә төшөрөп үтте.
    Ошо күренеш  тә Фольклориаданы иң юғары кимәлдә үткәреү яуаплылығын өҫтәй, – тине Радий Хәбиров.
    Филипп Боссан CIOFF эшмәкәрлеге һәм Фольклориадаға әҙерлек барышы  менән таныштырҙы.
    2018 йылдың октябрь айында беҙ Өфөлә  Фольклор һәм традицион сәнғәт фестивалдәрен ойоштороу буйынса халыҡ-ара советтың Бөтә донъя конрессын үткәрҙек. Сара юғары кимәлдә ойошторолғайны. Унда 55 ил вәкиле ҡатнашты. Әммә ул ваҡытта Өфөгә 200 ҡатнашыусы килде, ә Фольклориадаға 2500 ҡатнашыусы  көтәбеҙ, –тине CIOFF президенты. – Ҙур сараға тиклем йыл ярым ваҡыт ҡалды, мин артабан да тығыҙ хеҙмәттәшлеккә өмөт итәм.
    Белешмә:
    Фольклор һәм традицион сәнғәт фестивалдәрен ойоштороу буйынса халыҡ-ара совет (CIOFF)  1970 йылда барлыҡҡа килә. 2012 йылдан ЮНЕСКО-ның рәсми партнёры булып тора. Уның төп маҡсаты – традицион мәҙәниәт һәм фольклорҙы һаҡлау һәм пропагандалау. Күп йылдар дауамында CIOFF-та  Рәсәй милли секцияһын  Рәсәй дәүләт халыҡ ижады йорто тәҡдим итә. Бөтә донъя фольклориадаһы - Фольклор һәм традицион сәнғәт фестивалдәрен ойоштороу буйынса халыҡ-ара советтың рәсми саралары исемлегенә индерелгән. Ғәҙәттә унда донъяның 60-80 дәүләтенән  өс меңгә яҡын артист ҡатнаша.


    29 30 31 1 2 3 4
    5 6 7 8 9 10 11
    12 13 14 15 16 17 18
    19 20 21 22 23 24 25
    26 27 28 29 30 31 1


    Открытая республика
    Ссылки